Македонскиот репрезентативец Александар Трајковски ќе биде нов фудбалер на Хајдук Сплит од Хрватска, барем така пренесуваат италијанските медиуми.

Нашиот искусен напаѓач во Италија од 2015 до 2019 година ги бранеше боите на Палермо, севкупно имаше учинок од 20 голови и 16 асистенции во 113 настапи.

Според „Калчомеркато“ и „ТутоМеркато“, Трајковски наскоро би требало да ги има лекарските прегледи и потпиша договор со клубот од „Пољуд“.

Наводно за неговите услуги интерес покажал и хрватскиот шампион Динамо Загреб на Аријан Адеми и Стефан Ристовски, но 31-годишниот фудбалер се одлучи за преселба во Сплит.

Во Хајдук би требало да дојде како слободен играч откако ова лето му истече договорот со Ал-Фејха од Саудиска Арабија.