Изминатиот викенд како единствен претставник од Македонија, Александар Илиевски пливаше на традиционалниот маратон, 60 издание, во Италија од Капри-Наполи (36 километри), што е негово 10 учество.

Нашиот маратонец имаше уште еден успешно завршен маратон, патеката ја исплива за седум часа и три минути, и на крајот го освои деветтото место.

На првите три позиции се најдоа тројца Италијанци, првопласиран беше Алесио Очипинти (6:07.11 ч.), пред Џузепе Иларио (6:10.29 ч.) и Никола Рикарди (6:13.45 ч.).

Во женска конкуренција триумфираше Аргентинката Мајте Пука (6:30.41), пред нејзината сонародничка Ромина Имвинкелрид (6:41.29 ч.), а на третото место се најде Италијанката Вероника Сантони (6:46.04 ч.).

Севкупно на овој настан имаше 18 учесници од осум земји, 12 во машка и шест во женска конкуренција. Резултати ТУКА