25-годишен државјанин на Албанија се обидел да влезе во Македонија преку граничниот премин „Блаце“ од Косово со украден автомобил „Фолксваген Пасат“, соопшти МВР.

„На 06.03.2025 во 13.30 часот на Граничен премин Долно Блаце, на влез во државата, полициски службеници го лишиле од слобода Д.М.(25) од Република Албанија затоа што при извршена пасошка контрола и проверка во оперативната евиденција било констатирано дека патничкото возило „фолксваген пасат“ со германски национални ознаки, кое го управувал, евидирало во оперативната евиденција на Интерпол како украдено. Тој бил предаден на полициски службеници од СВР Скопје и по целосно документирање на случајот ќе биде поднесена соодветна пријава“, велат од МВР.