Официјално, Алба Берлин, 22-кратниот кошаркарски шампион на Германија и освојувач на националниот куп, од следната сезона 2025/26 ќе игра во ФИБА Лигата на шампионите.

Со овој потег, клубот од германската престолнина се враќа на европските натпреварувања под покровителство на Меѓународната кошаркарска федерација (ФИБА) по 24 години учество во натпреварувања организирани од Евролигата (12 сезони во Евролигата, 12 во Еврокупот/УЛЕБ купот).

Од својата дебитантска сезона во 1990/91 па до крајот на сезоната 2000/01, Алба Берлин помина 11 сезони во ФИБА натпреварувањата, а најголемиот успех го имаше во 1995 година кога сензационално го освои Кораќ купот.

Приклучувањето на Алба Берлин во 10 сезона од ФИБА Лигата на шампионите дополнително ќе го зајакне ова натпреварување и ќе ја поддржи нивната визија за преобликување на екосистемот на клупските натпреварувања.

Оваа одлука доаѓа по заедничкото соопштение на ФИБА и НБА од 27 март, во кое беше најавено истражување на можноста за основање нова професионална машка кошаркарска лига во Европа.