Алан Ширер: Хојлунд сè уште не е подготвен да го води нападот на Манчестер јунајтед
Расмус Хојлунд беше донесен како идна ѕвезда на англиската Премиер лига во 2023 година од Аталанта, но оттогаш покажа премалку.
Препорачано
Данскиот фудбалер особено разочарува оваа сезона, целосно давејќи се во сивилото на тимот во Манчестер јунајтед.
На 28 првенствени натпревари во најлошата Премиер лига за „црвените ѓаволи“ во клупската историја, тој постигна само три гола во текот на своите 28 настапи, додека во Лига Европа беше само два гола поефикасен. Поради ова, 22-годишниот напаѓач се соочува со критики од сите страни.
– Гледам оштетен играч во Хојлунд. Мислам дека не беше подготвен и сè уште не е подготвен да го води нападот на Манчестер јунајтед. Во моментов гледам играч кој навистина не сака да навлегува во такви ситуации. Неговиот тајминг е целосно погрешен. Мислам дека нема сомнеж дека има криза на самодоверба – рече легендарниот англиски голгетер Алан Ширер.
Хојлунд беше поефикасен во дебитантската сезона во „лулката на фудбалот“, со 16 прецизни удари на 43 натпревари, но и тогаш, а и сега се очекуваше повеќе од данскиот интернационалец, иако има само 22 години.
