Кристина Ричи е позната по тоа често игра специфични ликови кои потсетуваат на нејзиниот лик во филмот „Каспер“ од 1995 година, кој за жал не е на нејзината листа на омилени филмови.

Актерката во подкастот на Марк Марон зборуваше за почетоците на нејзината кариера, осврнувајќи се на филмовите „Семејството Адамс“ и „Каспер“ кои ја прославија.

 

View this post on Instagram

 

A post shared by Christina Ricci (@riccigrams)

Ричи рече дека не го сака филмот „Каспер“, не затоа што е лош како филмско остварување, туку затоа што мисли дека таа лошо ја одиграла својата улога.

Актерката имала 13 години кога глумела во филмот, а за многу нејзини обожаватели во 90-тите, „Каспер“ е еден од класиците и филм кој е дел од традицијата на „Ноќта на вештерките“.

„Ако го гледате филмот ќе забележите дека навистина лошо глумам. Луѓето се лутат кога го кажувам тоа“, објаснува актерката и додава дека таа секогаш одговара: „Не, тоа е прекрасен филм. Вистинско богатство од детството. Но, јас изгледам страшно во него“.

Актерката неодамна повторно го гледала филмот со нејзиниот осумгодишен син Фреди, но мислењето за нејзината глума не е променето.