Од денеска стапуваат во сила измените на Законот за безбедност во сообраќајот, со кои се воведуваат нови казни за пешаци, велосипедисти и возачи на електрични тротинети кои користат мобилен телефон или слушалки додека се движат.

Пешаците кои преминуваат улица со телефон во рака или на уво ќе бидат казнети со 40 евра. За возачите на тротинети, мотори или трактори кои додека возат користат електронски уред или слушалки, казната изнесува 50 евра.

Со новите мерки властите очекуваат зголемена безбедност во сообраќајот и намалување на ризикот од несреќи предизвикани од невнимание.

Од иницијативата „На Точак“ појаснуваат дека предлог-законот не предвидува казни за граѓани кои користат две слушалки или мобилен уред додека се движат по тротоар, пешачки зони или паркови. Казните се однесуваат само на преминување преку коловоз или велосипедски патеки со слушалки во двете уши или со користење електронски уреди.

Организацијата смета дека казните се непропорционални: за возачи изнесуваат 40 евра, за велосипедисти 50 евра, а за пешаци 40 евра – иако тие се најранливи и најмалку виновни во сообраќајни несреќи. Според „На точак“, праведна казна за пешаците би била 20 евра, а за велосипедистите помала од сегашната.

ВИДЕОАНКЕТА | Дали казните ќе спречат зборување на мобилен на пешачки?