Сите ги сакаме јагодите, но тие често се наоѓаат и на помалку ласкави листи, како на пример оние со највисока содржина на пестициди.

Без разлика дали ги купувате на пазар, во продавница или ги берете сами, правилното миење на јагодите е важен чекор пред консумирање.

Зошто е важно добро да се мијат јагодите пред јадење?

Јагодите често се третираат со пестициди кои можат да останат на нивната површина. Тие навлегуваат во ситните пори и не се отстрануваат лесно со обично плакнење со вода. Истражувањата покажуваат дека правилното миење значително ја намалува количината на пестициди.

Во текот на нивното зреење и транспортот, јагодите можат да дојдат во контакт со нечистотија и бактерии. Правилното миење помага да се отстранат овие нечистотии.

Чистите јагоди имаат подолг рок на траење, бидејќи се отстрануваат мувлата и бактериите што го забрзуваат расипувањето.

Најдобрите методи за чистење на јагоди:

Миење, односно купка со оцет

– Измешајте бел алкохолен оцет и вода во сооднос 1:3.

– Потопете ги јагодите во растворот и оставете ги 10 минути.

– Добро измијте ги со ладна вода и исушете ги.

Купка со сода бикарбона

– Во четири чаши вода додадете една лажичка сода бикарбона.

– Потопете ги јагодите и оставете ги 15 минути во оваа мешавина.

– Исплакнете ги под ладна вода и исушете.