Македонската фудбалска легенда, Горан Пандев е назначен за спортски директор на сите македонски репрезентативни селекции.

Илија Најдоски, еден од великаните на македонскиот фудбал, заедно со нашиот поранешен репрезентативец, Агим Ибраими се назначени за советници во кабинетот на претседателот на ФФМ, Масар Омерагиќ.

– Масар Омерагиќ е најдоброто решение за претседателската функција на ФФМ. Посакувам трпенеи и успех во патот напред за македонскиот фудбал – вели Пандев.

Новиот претседател на ФФМ, Омерагиќ истакна дека нема „волшебно стапче“, но има и визија и трпение и добар тим околу себе. За нулта толеранција за корупција во фудбалот и вистинска шанса за секој квалитетен талент кој мотивирано ќе работи да се докаже и успее.

– Направивме вистински избор. Лидерството е за луѓе со визија и одлучност. Доаѓаат подобри денови за македонскиот фудбал – се зборовите на Ибраими.

Масар Омерагиќ е новиот претседател на Фудбалската федерација на Македонија