Трендот на оптек на фалсификувани пари во Косово се чини дека се зголемува во последните години, пишува Клан Косова. Ова се заснова на бројот на случаи што ги води Косовската агенција за форензика. Експертот на оваа агенција, Фериз Сељимај подетално ги изнесе податоците за периодот од јануари до ноември 2024 година.

„За 2024 година, пристигнати се 2.013 сомнителни банкноти и од оваа бројка се појавија 1.125 фалсификати. Најчесто фалсификуваната банкнота е од 50 евра. Од јануари до ноември пристигнале 45.381 монети, а 35.719 биле лажни“, рече тој, пренесува Коссев.

Со високи бројки на фалсификување се карактеризира и претходната година, каде доминираше валутата две евра. Според документите се чини дека паричката од 2 евра е најпроблематична во последните пет години, покрај банкнотите од 100 и 50 евра, пренесува Коссев.