Драмата околу скандалот со љубовниците на концертот на „Колдплеј“ за која дозна целиот свет доби изненадувачки пресврт. Изгледа дека бракот на Енди Бајрон и неговата сопруга Меган Кериган Бајрон можеби сепак не е завршен.

На видеото од јуни оваа година, кога на концерт на „Колдплеј“ Енди беше фатен во интимен момент со тогашната колешка Кристин Кабот, за кратко време стана вирална и многумина беа уверени дека тоа е крајот на нивниот брак. Меган го избриша вечалното презиме од својот профил на Фејсбук, а потоа и целосно го деактивираше.

И Енди и Кристин, поднеле оставки во компанијата „Астрономер“, што дополнително ги зајакна шпекулациите дека брачната приказна и во двата брака е во сериозна криза. Јавноста ја поддржуваше Меган, нарекувајќи ја симбол на достоинство и храброст.

Но, новите случувања носат поинаква слика. Според „Дејли Мејл“, парот во последниве денови бил забележан заедно во Мејн, на пикник на плажа и во прошетка, а она што најмногу привлече внимание е дека и двајцата повторно ги носеле венчалните прстени.

Дополнително, судските документи покажуваат дека не е поднесено барање за развод.

Сè повеќе изгледа дека приказната која летово изгледаше завршена, сепак може да добие ново продолжение и нов почеток.