Во скопската општина Аеродром, денеска „Ј.П. Градски паркинг“ започна со поставување на табли и бележење на паркинг места на површината од ресторанот „Три бисери“ до завршување на истиот дел.

Со тоа и на овој дел од општината во иднина ќе се наплаќа паркинг. Станува збор за „D2“ зоната каде што цената за еден час ќе чини 25 денари, од понеделник до сабота ќе важи од 07-23 частот, додека во недела и за празници, истиот ќе биде бесплатен.

Додека вработените од „Ј.П. Градски паркинг“ ги преместуваа возилата за да го извршат планираното бележење на паркинг местата, незадоволните граѓани од овој дел од населбата фрлаа со јајца кон вработените.