Администрацијата на американскиот претседател Доналд Трамп нареди намалување на бројот на вработени во Управада за храна и лекови (ФДА) во текот на викендот со отпуштање на вработени одговорни за безбедноста на состојките на храната, медицинските помагала и другите производи.

Оние кои биле вработени на пробно работно време добиле известувања во саботата навечер дека нивните работни места се укинуваат, според неименувани претставници на ФДА.

Вкупниот број на елиминирани работни места не е точно познат, но се чини дека отпуштањата се насочени кон вработените во центрите на ФДА за храна, медицински помагала и тутунски производи – што вклучува надзор на електронските цигари.

Американското Министерство за здравство и човечки услуги во петокот објави дека планира да отпушти 5.200 привремено вработени, вклучително и Националниот институт за здравје, Центрите за контрола и превенција на болести и ФДА.

Седиштето на ФДА е во предградието на Мериленд надвор од Вашингтон, и има околу 20.000 вработени.