Размената во која Лука Дончиќ од Далас се пресели во Лос Анџелес Лејкерс, а на негово место во Тексас пристигна Ентони Дејвис дефинитивно и понатаму е главна тема во спортската јавност.

Дончиќ сега ќе му се приклучи на Леброн Џејмс и навивачите ќе очекуваат многу од овој тандем. По трампата се огласи и грчкиот кошаркар Јанис Адетокумбо кој истакна дека преселбата на Дончиќ во Лос Анџелес е добра за кошаркарите од Европа.

„За кошаркарите од Европа е добро што еден Европеец ќе биде верувам главно лице во Лејкерс. Вакво нешто досега не се случило“, изјави Адетокумбо.

Грчкиот кошаркар има и посебна желба, а тоа е да го води Никола Јокиќ во дресот на Њујорк никс.

„Сакам Јокиќ да оди во Њујорк никс. Сакам сите европски кошаркари да бидат во големите франшизи и да покажат нешто неверојатно. Тоа е нешто за што сонувам“, истакна грчкиот кошаркар.

Таткото на Дончиќ за трампата со Дејвис: Шокиран сум, сè правеле тајно!