Машкиот ракометен суперлигаш МРК Куманово ќе има нов тренер кој ќе го предводи првиот тим во името на поранешниот македонски репрезентативец и искусен тренер, Аце Станковски.

Станковски изминатите сезони ги водеше младинските категории на МРК Куманово, за да управата на овој тим му ја додели довербата од новата натпреварувачка сезона да биде шеф на стручниот штаб на кумановскиот ракометен суперлигаш.

Исто така управниот одбор и управата на МРК Куманово официјално го назначи досегашниот тренер Љубиша Димковски за спортски директор на клубот.

Управата на клубот им посакува успех и среќа и на двајцата истакнати ракометни работници и поранешни ракометари во нивната нова работна улога и работна позиција со желба да имаат забележителни резултати и успеси со клубот кој ќе го претставуваат.

Новата сезона во ракометната Суперлига ќе започне на 6/7 септември оваа година, а својот прв меч играчите н Станковски ќе го имаат на домашен терен против РК Радовиш.