Шведската поп-група „АББА“ побара од Доналд Трамп да престане да ја користи нивната музика на собирите во рамки на неговата претседателска кампања, соопшти издавачот на „АББА“, а пренесе „Ројтерс“.

Хитовите на „АББА“, вклучително и „The Winner Takes It All“, „Money, Money, Money“ и „Dancing Queen“, беа пуштани на митингот на Трамп на 27 јули во Минесота, објави шведскиот дневен весник „Svenska Dagbladet“, чиј новинар беше на тој настан.

„Заедно со членовите на ‘АББА’ дознавме дека на митинзите на Трамп се пуштале музички видеа на ‘АББА’ и побаравме тоа веднаш да се прекине“, соопшти „Јуниверсал мјузик“, со седиште во Холандија.

Издавачот истакна дека не му дале дозвола на Доналд Трамп да ја користи музиката на оваа шведска група.

Членовите на „АББА“ не сакале да ја коменираат оваа ситуација, но изјавија дека го поддржуваат „Јуниверсал мјузик“.