Претседателот на палестинската самоуправа, Махмуд Абас, ја поздрави „историската“ и „храбра“ одлука на Канада, откако премиерот Марк Карни ја објави намерата на неговата земја да ја признае палестинската држава на Генералното собрание на ОН во септември.

Абас „ја поздравува историската позиција на Канада да ја признае палестинската држава“, што „ќе го зајакне мирот, стабилноста и безбедноста во регионот“ на Блискиот Исток, нагласи тој за време на телефонскиот разговор со канадскиот премиер Карни, објави палестинската новинска агенција WAFA.

„Оваа храбра позиција е запишана во историски критичен момент за спасување на решението за две држави“, додаде претседателот на палестинската самоуправа.

Канада објави дека ќе ја признае палестинската држава под одредени услови