Жителка на Тетово три години уценувала маж со кој била во вонбрачна врска, заканувајќи му се дека ќе ѝ каже на неговата сопруга за врската, но и за детето кое наводно било негово, соопшти МВР.

Мажот, чија возраст и место на живеење полицијата не ги соопштува, на крајот решил да ја пријави уценувачката во полиција.

„СВР Тетово поднесе кривична пријава против С.М.(51) од Тетово поради постоење основи на сомнение за сторено кривично дело „уцена“. Пријавената, изминатите три години го уценувала поранешниот вонбрачен партнер, барајќи му 7.000 евра, заканувајќи се дека во спротивно ќе ја извести неговата сопруга за нивната врска и за детето кое наводно било негово“, пишува во полицискиот билтен.