Фудбалерите на Вардар редат победи во Втората лига - Запад/Фото: facebook.com/FKVardarSkopje

2МФЛ: Слога Виница доминира на Истокот, Љамчевски за радост на Вардар

Денеска фудбалерите на Вардар беа домаќини против Кораб во рамките од 10 коло во Втората лига – Запад и славеа со 1:0 на ФФМ Тренинг центарот во Скопје.

„Црвено-црните“ го искористија киксот на Воска со Гостивар и со победа дојдоа на бод зад тимот кој е на второто место во генералниот пласман. Вардарци ја имаа контролата на теренот, со доста шанси пред гостинскиот гол, но реализација немаше.

Неколку пати домаќинот ја погодуваше стативата, на крајот поточно во 90 минута се исплати сиот притисок на Вардар со погодок на Петар Љамчевски за огромна радост кај неговите соиграчи и навивачите.

Во Втората лига – Исток доминира екипата на Слога Виница која стигна до осмата победа (четврта по ред) остварена против Братство со 0:1. Стрелец на голот беше Ерион Шуку во 75 минута од мечот.

Втора лига – Запад

10. коло, резултати: Силекс – Кадино Скопје 7:0, Воска Спорт – Гостивар 0:1, Вардар – Кораб 1:0, Велешта – Тетекс 2:1, Беса 1976 – Охрид 0:2.

Табела: Силекс 28 бодови, Воска Спорт 21. Вардар 20, Кораб 14, Гостивар 12, Велешта 12, Тетекс 11, Беса 1976 9, Охрид 7, Кадино Скопје 6.

Втора лига – Исток

10. коло, резултати: Братство 07 – Слога Виница 0:1, Кит Го Пехчево – Победа 1:1, Саса – Осогово 2:0, Беласица – Детонит Јуниор 4:1, Кожув Гевгелија – Лок. Градско 3:0.

Табела: Слога Виница 25 бодови, Победа 23, Саса 20, Беласица 17, Кит Го Пехчево 16, Кожув 12, Осогово 11, Детонит Јуниор 10, Лок. Градско 4, Братство 07 4.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот