грнчаров
Тренерот на Бобан Грнчаров останува шеф на стручниот штаб на ФК Вардар/Фото: facebook.com/FKVardarSkopje

2МФЛ: Грнчаров дебитираше триумфaлно со Вардар, Слога Виница броеше до осум

Вардар им се вратија на победи во Втората македонска фудбалска лига – Запад, откако триумфираше како домаќин против Тетекс со убедливи 4:0 (2:0).

Отпорот на гостинот беше скршен во финишот на првиот дел. Најпрвин Мишковски погоди за 1:0 во 44 минута, а потоа и младиот Парталко погоди во судиското надополнување за 2:0.

Во вториот дел, скопските „црвено-црни“ заиграа исто така добар фудбал, па со два гола на Петковски запиша убедлива победа од 4:0. Ова воедно беше и одлично деби на Бобан Грнчаров на клупата на Вардар во чија корист оди и ремито на Воска Спорт во трката за втората позиција.

Во Втората македонска фудбалска лига – Исток составот на Слога Виница го декласираше Лок. Градско со 8:0, но и нивните конкуренти во трката за влез во елитата, Беласица и Победа исто така беа успешни.

За Слога Виница хет-трик запиша Иванов, два имаше Шуманов, а по еден Митров, Симевски и Сали, а овој висок триумф беше зачинет со дебитантскиот триумф на Мартин Лазаров со 16 години, два месеци и 23 дена, кој потекнува од младинската фудбалска школа на Слога Виница.

2МФЛ – Запад, 23. коло
Резултати: Силекс – Кадино Скопје 5:0, Воска Спорт – Гостивар 0:0, Вардар – Тетекс 4:0, Кораб – Велешка 3:1, Беса 1976 – Охрид 1:0.

Табела: Силекс 59 бодови, Воска Спорт 52, Вардар 46, Тетекс 35, Гостивар 30, Беса 1976 29, Кораб 23, Охрид 22, Велешка 17, Кадино Скопје 6.

2МФЛ – Исток, 23. коло
Резултати: Слога Виница – Лок. Градско 8:0, Беласица – Саса 2:0, Победа – Осогово 2:1, Кожуф Гевгелија – Братство 07 0:0, Кит Го Пехчево – Детонит Јуниор 0:1.

Табела: Слога Виница 51 бод, Беласица 50, Победа 50, Саса 44, Кожуф Гевгелија 28, Кит Го Пехчево 27, Осогово 27, Детонит Јуниор 24, Братство 07 14, Лок. Градско 6.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот