Во Тетово и оваа година традиционално со проекции на 26 филмови ќе започне тринаесетото издание на филмскиот фестивал „Watch Out“. Манифестацијата започнува вечерва во дворот од Меморијалниот музеј на Комунистичката партија од 20 часот. Ќе трае четири дена.

„Ова издание на филмскиот фестивал WatchOut ги слави животот и надежта, а истовремено истражувајќи ги неодамнешните реалности и борбата за подобар живот. Фестивалот ја користи уметноста и културата да ги донесе овие наративи на реалноста поблиску до нас, премостувајќи ги со надеж и посветла иднина, истакна Бујар Љума, претседател на Лоја.

На овој фестивал пристигнаа 630 филмови од 81 земја.

„Примените филмови, докажуваат дека кинематографијата е мост која го поврзува светот. Среќни сме да посведочиме дека WatchOut преставува славење на кинематографијата и референтна точка за филмските автори и љубителите на филмот. Покрај вечерните проекции, ова издание ќе биде исто така обележано со работилници и специјални проекции проследени со дебата, кои ќе се случуваат во просториите на Центарот Лоја“, истакна Егзона Муслиу.

Стручното жири на фестивалот веќе ги награди следните филмови: За краток игран филм „Доказ за љубов“ наградата ја доби Денис Назари од Италоја, за експериментален и анимиран филм „Annа Morphose“, со награда се закити Јоао Родригес од Португалија, а за документарниот филм „Ние, жените преживеани, награда доби Иксасо Диаз од Шпанија.

Сите филмови ќе бидат прикажани во оргиналната верзија со превод на англиски јазик.