Поминаа 21 година од 14 септември 1998 година, дента кога беше нападната албанската Влада и Албанската радио-телевизија од приврзаници на тогашната опозиција и поранешниот претседател Сали Бериша, барајќи оставка од Владата на Фатос Нано.

Сè дојде како револт за убиството на лидерот на Студентското движење, Азем Хајдари.

Во големиот протест против тогашната власт низ улиците на албанскиот главен град избувна насилството. Демонстрантите, предводени од лидерите на Демократската партија, упаднаа во владината зграда, собранието и насилно влегоа во зградата на Албанската национална телевизија, јавува Балканвеб.

Албанските медиуми како потсетување на 21 годишнината од овие настани денеска објавија невидени снимки и фотографии.