Најголемата винарница и откупувач на грозје „Тиквеш“ сезонава планира да прими и да обработи повеќе од 30 милиони килограми квалитетно грозје.

– Основната цена по која оваа година ќе се откупуваат најзастапените сорти е дефинирана на 18 денари за килограм смедеревка и 20 денари за вранец, што претставува зголемување од 8 до 19 проценти во однос на минатогодишната цена, која исто така беше зголемена од 20 до 35 проценти во однос на 2022 година. Со ваквите зголемувања на цените на грозјето, ВВ „Тиквеш“ целосно ги амортизираше ефектите од порастот на трошоците и инфлацијата, која во 2023 година изнесуваше 9,4 проценти на годишно ниво, а оваа година се намали на 3,2 проценти – соопштија од „Тиквеш“.