Вкупно 16 вработени во Зоолошката градина во Скопје, во моментов се анкетирани од страна на епидемиолог од Институтот за јавно здравје, поради појава на птичји грип во Зоолошката градина. По завршувањето на епидемиолошката анкета со вработените, ќе се утврди кој од нив имал многу близок контакт со птицата и таквите лица ќе бидат ставени под здравствен надзор. Ова за Слободен печат го потврдија високопозиционирани лица во Институтот за јавно здравје. Според нив, птичјиот грип бил утврден со доказ од лабораторија, односно станува збор за констатирана состојба откако една од птиците угинала и била пријавена за мртва доцна синоќа. Откако се завршени лабораториските анализи, констатирано е дека таа птица имала птичји грип.

Галетановски ќе ја тужи ЗОО Скопје, ќе отвори и фондација за спас на Зоолошката градина

Здравствениот надзор не е исто што и карантин, односно значи дека ќе се следи здравствената состојба на вработените и при појава евентуално на првиот симптом, ќе се реагира соодветно.

Нашите извори од Институтот за јавно здравје велат дека граѓаните немаат простор за паника и дека веројатноста да се пренесе птичјиот грип од птица на човек е мала, бидејќи е потребен долг контакт и близок контакт.

ВИДЕО | Птиците во „ЗОО Скопје“ завршија мртви во канти за ѓубре

Симптомите се слични на обичен грип, конјуктивит, малаксаност, висока телесна температура. Меѓутоа, во Европа засега нема ниту еден случај на птичји грип а за заразени се пријавени 50 птици на европскиот континент.

Зоолошката градина ќе остане затворена барем 28 дена, што претставува двоен инкубациски период, во кој ќе се следи здравствената состојба на животните.