Синоќа, во 22.20 часот во полициската станица „Табановце-железнички”, вработен во Македонски железници пријавил дека во контејнер од товарен воз, кој сообраќал на релација Грција-Романија, забележал 15 лица за кои се сомневал дека се мигранти.

Полициски службеници извршиле преглед и констатирале дека 13 лица се од Авганистан и две од Пакистан. Лицата се сместени во Транзитен камп „Табановце” за понатамошна постапка.