Автомобил удрил во група луѓе во Њу Орлеанс, а според првичните информации има и загинати. Инцидентот се случил за време на новогодишната прослава во улица позната по бројни барови и клубови.

Очевидци за Си-Би-Ес Њуз изјавиле дека автомобилот со голема брзина влетал во толпа луѓе, а потоа возачот излегол и почнал да пука со оружје, а полицијата возвратила. Улицата е затворена и сите служби се на терен.