Погледнете ја дванаесеттата епизода од СПорткаст на „Слободен печат“. Гостин на водителот Стефан Крстески е Дамјан Петрески, основач и сопственик на „Педл клуб“.

Дамјан Петрески кој во младоста се занимавал со кошарка, пливање и триатлон, поради тешка повреда на рбетниот столб морал да се оддалечи од овие спортови, и „лекот“ за повредата го нашол во стоечкото веслање. Дамјан, кој е голем вљубеник во водата и природата пред десет години го формира „Педл клуб“ и веќе неколку години успешно го организира Охрид СУП Кросинг. Како што вели пред камерите на „Слободен печат“, овогодинешното издание на Охрид СУП Кросинг ќе биде најмасовно досега, со рекреативци и натпреварувачи од над 20 земји. Македонскиот бисер Охрид на 19-ти и 20-ти јули ќе биде посетено и од многу светски и европски шампиони во стоечко веслање.