Андер Ерера од следната сезона дресот на Манчестер јунајтед ќе го замени со тој на францускиот шампион ПСЖ. Ерера сезонава е еден од најдобрите фудбалери на Манчестер јунајтед но договорот му истекува на крајот од сезоната.

Англискиот тим му понуди нов договор со неделни примања од 110.000 евра, но во трката влезе и францускиот шампион ПСЖ, чија понуда е 170.000 евра неделна плата, понуда која шпанскиот фудбалер ја прифатил.

Во ПСЖ веруваат дека Ерера е идеалниот партнер во средината на теренот за Марко Верати и затоа му понудија тригодишен договор.