Истражувањето на Евростат покажа дека околу 11% од луѓето во Европската Унија (ЕУ) не можат да ги загреат своите домови доволно. Најголем удел на лица со овој проблем е забележан во Шпанија и Португалија (и двете по 20,8%), потоа Бугарија (20,7%), Литванија (20,0%) и Грција (19,2%), пишува Eуроњус. Најниски стапки има Луксембург (2,1%), потоа Финска (2,6%), Словенија (3,6%), Австрија (3,9%) и Естонија (4,1%). Во Хрватска тој удел е 6,2%.

Најранливи социјални групи се самохраните лица со деца. Речиси 19% од нив не можат да ги загреат домовите и се осудени на ниски температури во домаќинствата. Медитеранските нации се најтешко погодени, со 42% во Кипар, 34,5% во Грција и 34% во Шпанија. Самохраните жени се втората најранлива група – 14% од нив не можат доволно да ги загреат домовите. Најлоши стапки се забележани во Бугарија (34%), Португалија (31%) и Литванија (31%). Паровите со две деца пријавиле најниска стапка на луѓе со вакви проблеми: 7,6%. Најниска стапка во Европа забележана во анализата на Евростат за оваа социјална група е во Швајцарија: 0,2%, објави Н1 Хрватска.