Богатството на Жозе Мурињо повторно ќе порасне откако беше отпуштен од функцијата тренер на турскиот фудбалски клуб Фенербахче по само шест натпревари од новата сезона.

Португалскиот стратег беше отпуштен од Фенербахче во петокот, едвај една година откако го презеде тимот. За отказот пресуди поразот од Бенфика што ги заврши надежите за Фенер за пласман во Лигата на шампионите.

Мурињо има уште една година од договорот, што значи дека добро ќе го наплати отказот, објавува „Дејли мејл“.

Според турскиот новинар Јагиз Сабунџуоглу, Мурињо ќе добие 8,9 милиони евра отпремнина, со што неговата вкупна плата само од отказите ќе достигне 102,78 милиони евра.

Челси (прв отказ) – 20,88 милиони евра

Реал Мадрид – 19,72 милиони евра

Челзи (втор отказ) – 9,63 милиони евра

Манчестер јунајтед – 22,74 милиони евра

Тотенхем – 17,40 милиони евра

Рома – 3,48 милиони евра

Фенербахче – 8,93 милиони евра

Вкупната плата на Мурињо е многу поголема од отпремнината на другите менаџери. Антонио Конте наводно заработил околу 43 милиони евра надомест во текот на својата кариера, вклучувајќи огромни 30 милиони евра од Челси во 2018 година.

Лондонскиот клуб бил дарежлив и кон другите: Луиз Фелипе Сколари добил 15,7 милиони евра во 2009 година, а Томас Тухел 15 милиони фунти во 2022 година.

Исто така, високо на листата е Лоран Блан, кој добил 19,65 милиони евра откако бил отпуштен од ПСЖ во 2017 година, што се смета за четврти највисок пакет менаџерски отпремнини на сите времиња.

Официјално: Жозе Мурињо веќе не е тренер на Фенербахче