Англискиот премиерлигаш Вулверхемптон му оддаде посебна чест на поранешниот напаѓач Диого Жота, вклучувајќи го во клупската „Куќа на славните“, „како признание за неговиот допринос за клубот пред да се пресели во редовите на Ливерпул.

Жота пристигна во Вулвс од Атлетико Мадрид во јули 2017 година, првично како позајмен играч на една сезона, по што трансферот стана траен. Во 2020 година се пресели во Ливерпул. За Вулверхемптон одигра 131 натпревар и постигна 44 гола.

Португалецот беше клучен дел од тимот кој во сезоната 2017/18 ја освои титулата во Чемпионшип, обезбедувајќи промоција во Премиер лигата. Исто така, Жота имаше значајна улога и во историскиот пласман во европските натпреварувања, кога Вулвс ја завршија сезоната на седмото место и се квалификуваа за Лига Европа.