Катастарот треба да биде гаранција на сопственоста, поддршка на урбанистичкото планирање и алатка за развој на инфраструктурата и општеството во целина, вели директорот Иван Живковски.

Меѓу најголемите тековни предизвици, тој во интевју за веб-порталот „Скопје инфо“ ги наведува застарената технолошка инфраструктура и дефицитот од стручен кадар. Во таа насока, како што вели, веќе се спроведуваат мерки – од внатрешна реорганизација и регрутирање на млади професионалци, до редовни обуки и нови соработки со правосудните и стручни комори.

Со моето доаѓање затекнавме над 5.600 заостанати предмети. Со внатрешни реформи ги расчистивме сите, а денес постапуваме навремено и ефикасно, изјави Живковски.

Како што посочува повеќе од 100 услуги се достапни преку националниот портал за електронски услуги, а надграден е и системот за проверка на сопственост и статус на предмети, како и мобилната апликација I-Kat, која сега е достапна и за iOS.

Целосната дигитализација е наш врвен приоритет. Ќе овозможиме сите барања и постапки да се поднесуваат онлајн. За повозрасните граѓани, шалтерите остануваат активни“, додаде директорот.