Во Стајковци започна реализација на пилот-проект за селекција на ПЕТ амбалажа и лименки во домаќинствата. Оваа еколошка иницијатива Општина Гази Баба ја спроведува заедно со Центарот за климатски промени како дел од поширокиот проект „Регионално партнерство за подобро спроведување на зелена агенда за Западен Балкан“.

Денес им ги поделивме кантите за селекција на граѓаните од Стајковци и им ја објаснивме целата постапка. Навистина ми е мило што видов колку се подготвени, заинтересирани и посветени да дадат свој придонес. Оваа поддршка од граѓаните ни дава сила да продолжиме уште посилно – вели градоначалникот Бобан Стефковски.

Секое домаќинство што е дел од пилот-проектот ќе има посебни канти за пластика и лименки, а собраниот отпад ќе се подига на секои две недели – или по договор, во согласност со реалната динамика.