Според податоците на Евростат, минатата година просечната годишна плата во ЕУ се движела од 11.074 евра, што ја заработувале граѓаните на Бугарија, до 50.410 евра, што ги заработувале жителите на Луксембург.

Просечната плата во ЕУ изнесувала 29.573 евра, што е околу 2.464 евра месечно. Сепак, уште поголема заработка е забележана во некои од земјите што не се членки на Унијата. На пример, во Швајцарија просечната плата достигна 85.631 евра, во Исланд 57.573 и во Норвешка 47.232. Јужните земји од стариот континент се позиционирани многу полошо на ова рангирање.

Просечната плата во Италија минатата година изнесувала 24.797 евра, во Шпанија 24.571, а во Грција 18.709. Уште полоши од нив се источните земји како Унгарија, каде што се заработуваат 13.883 евра, Романија (12.655) и Бугарија (11.074). Кога платите се пресметуваат во однос на куповната моќ, излегува дека Холанѓаните се во најдобра позиција во ЕУ, додека Словаците се во најлоша.

Од друга страна, ако во ова рангирање се вклучат земјите што не се членки на Унијата, Швајцарците имаат најголема куповна моќ, по нив следуваат Норвежаните, а само по нив Холанѓаните. Луксембуржаните и Австријците се на четвртото и петтото место. Источните, балтичките и балканските земји обично се под просекот, објави Каматица.