59-годишен жител на Дебар доби кривична пријава откако самоволно си присвоил околу 2.400 квадратни метри државно земјиште, кое и го оградил со бодликава жица, соопшти МВР.

„ОВР Дебар поднесе кривична пријава против Г.Г.(59) од Дебар поради постоење основи на сомнение за сторено кривично дело „узурпација на недвижности“. На катастарска парцела во дебарската населба Венец, тој неовластено присвоил државно градежно земјиште во вкупна површина од 2385 метри квадратни и поставил бодликава жица. Со тоа, пријавениот противправно се стекнал со имотна корист во износ од околу 4.722.300 денари“, велат од полицијата.