Македонскиот шампион во женски фудбал, ЖФК Љуботен, ги заврши настапите во Лигата на шампионите со пораз од босанскиот првак Сараево, кој славеше со убедливи 5-0 во дуелот за третото место на квалификацискиот турнир од втората рунда.

Сараево, еден од најискусните и најуспешни клубови на Балканот, ја оправда улогата на фаворит и доминираше против тетовчанки, кои немаа одговор за темпото на противникот.

Спахиќ го отвори резултатот во 29. минута, а до крајот на првото полувреме Терзиќ зголеми на 2-0. Во вториот дел, Крсо, Зукиќ и Џонс-Баидо ги поставија конечните 5-0.