Франција забележала повеќе од 3.700 смртни случаи поврзани со високите температури минатото лето, а три четвртини од жртвите биле постари од 75 години, соопшти денеска Француската управа за јавно здравје (SFP).

Од 1 јуни до 15 септември минатата година се регистрирани 3.711 смртни случаи предизвикани од топлотен удар, што претставува повеќе од два отсто од смртните случаи во овој период, пишува „Фигаро“.

За време на епизодите на топлотниот бран, 680 смртни случаи беа поврзани со изложеност на топлина, што претставува повеќе од 10 проценти од смртноста во овој период.