Во центарот за рехабилитација во Скопје за една година се пријавиле повеќе од 50 сексуално злоставувани жени, од кои повеќето биле малолетни. Според мрежата против насилство врз жените, кај нас само два отсто од сексуално злоставуваните жени ги пријавуваат своите случаи во државните органи.

Годишно само во главниот град има по 50-60 пријавени случаи, но реалните бројки се далеку поголеми. Жртвите најчесто се одлучуваат да молчат за насилството и ретко која побарала помoш, велат од Мрежата против насилство врз жените и семејно насилство.

Во земјава има три центри за жртви на сексуално насилство, по еден во Куманово, Тетово и Скопје, но многумина не знаат дека во овие три града има центри за поддршка на жртвите, каде што можат да се обратат и да побараат помош.