Под мотото „Жените ја движат промената“, денес во Чаир беше претставен сеопфатен пакет мерки за поддршка на жените, со кој се отвора нова ера на реална грижа и поддршка за хероините на секојдневието, се наведува во соопштението од ДУИ.

Во своето обраќање, кандидатот за градоначалник на Чаир Бујар Османи истакна дека Фондацијата „Раката на Чаир“ ќе биде столбот на овој пакет, насочена кон финансиска и социјална помош за самохрани мајки, жени во ранливи категории и сите оние на кои општината предолго им свртила грб.

Клучни мерки од пакетот „Жените ја движат промената“:
• Фондација „Раката на Чаир“,  реална грижа и поддршка за самохрани мајки и жени во ранливи категории.
• Центар за занаетчиска обука со сертификати, стекнување нови вештини и признати професионални квалификации.
• Финансиска поддршка за микро-бизниси, почетна помош за жените претприемачки.
• Соработка со чаршијата и училиштата за пренесување знаење и вредности на младите генерации.
• Саеми на ракотворби и традиционални производи за промоција на женската креативност четири пати годишно.
• Центар и Клуб за жените на Чаир што вклучува простор за менторство, обуки и заеднички иницијативи.
• Курсеви, работилници и микро-грантови за јазици, правна и репродуктивна едукација, финансиска писменост и нови можности за вработување.

-Сакам да ја видам жената од Чаир како економски независна, општествено влијателна и политички гласна. Сакам општина која нема да се плаши од женската моќ. Промената започнува тука. И таа промена ќе ја водат жените – истакна Османи.