Жена од скопската населба Чаир вчера пријавила во полиција дека нашла автоматска пушка во напуштена куќа на нејзината мајка, по што го повикала соседот, а неговиот син ја турнал, ја зел пушката и избегал, извести МВР. Подоцна во куќата биле пронајдени уште една пушка, пиштол и куршуми.

„На 28.08.2025 во 15:54 часот во СВР Скопје, Б.Ѓ. пријави дека на подрачјето на Чаир, во помошен објект на напуштена куќа на нејзината мајка, пронашла автоматска пушка. Според пријавеното, таа го повикала соседот за да проверат што има друго внатре во помошниот објект, при што дошол синот на соседот, ја турнал Б.Ѓ., ја зел пушката и избегал. По извршен претрес и дополнителни проверки од страна на полициски службеници, во објектот се пронајдени уште една пушка, пиштол и куршуми. Се преземаат мерки за расчистување на случајот“, пишува во полициското соопштение.