Сензационална вест ни пристигнува од Островот, според најавите на медиумите Сарина Вигман ќе го наследи Герет Саутгејт на кормилото на машката фудбалска репрезентација.

Селекторката на женската репрезентација со Англија бележи големи успеси и се пласираше во финалето на Светското првенство кое се игра во Австралија и Нов Зеланд, исто така го освоија и минатото Европско првенство.

Таквите успеси на Вигман очигледно не поминале незабележано од челните луѓе на англискиот фудбал, па сега изгледа се спремни да и дадат шанса и во машка конкуренција.

The FA will consider Sarina Wiegman as Gareth Southgate’s successor if or when he moves on from being manager of England’s men’s team. pic.twitter.com/yqGD0POqfI

— ESPN UK (@ESPNUK) August 17, 2023

Од претходно е познато дека договорот на Саутејт истекува по завршувањето на Европското првенство во 2024 година, а веднаш потоа Вигман би можела да стане првата жена селектор на една од топ 10 репрезентации во светот.

Пред да ја води Англија, Вигман имаше огромни успеси со репрезентацијата на Холандија која ја одведе до европската титула во 2017. година, а подоцна во 2019. го освои сребрениот медал на Мундијалот во 2019. година.

Англија финалето на Мундијалот го игра в недела и тоа против Шпанија, ако успее да го освои тоа ќе биде прв трофеј на едно СП за женската селекција на „Гордиот Албион“, а со тоа Вигман дефинитивно ќе си обезбеди место помеѓу најголемите имиња во англискиот фудбал.