Во населбата Александрија во Општина Ѓорче Петров започнува подготовка за реализација на значаен проект за изградба на нова топловодна мрежа, во вредност од 40 милиони денари, инвестиција на ЕСМ – Дистрибуција на Топлина.

Со овој зафат, над 1000 станови ќе можат да се приклучат на мрежата за централно парно греење. Се работи за проект со витално значење за задоволување на растечките потреби за снабдување со топлина, како и за намалување на загадувањето на воздухот, истакна градоначалникот Александар Стојкоски.

Проектот предвидува изградба на линиска инфраструктурна градба – нов секундарен вод  на улиците Новопланирана 2, 4 и 5 во населбата.

Стојковски информира дека проектот е во фаза на техничка подготовка, со извршен увид и планирање на следните фази за отпочнување со градежни активности.