Зголемени проекции на Светска банка: Годинава раст од 3,1 отсто на македонската економија
Економскиот раст на Македонија за годинава се очекува да биде 3,1 отсто, проценува Светска банка. Главен двигател се јавните инвестиции и зголемувањето на растот на извозот
Светска банка ги зголеми проекциите за растот на македонската економија и сега очекува реален раст на БДП од 3,1% во 2025 година, 3% во 2026 и 3% во 2027 година. Во однос на пролетните прогнози, растот е зголемен за 0,4 процентни поени.
Препорачано
Во најновиот извештај се наведува дека економијата на Западен Балкан ќе закрепне во следните години, поттикната од инвестиции и закрепнување на извозот.
– Регионалниот раст за 2025 година се проектира на 3%, што е малку пониско од претходните очекувања, но се очекува постепено зголемување на 3,1% во 2026 и 3,6% во 2027 година – се вели во извештајот.
Директорката на дивизијата за Западен Балкан во Светска банка, Шаокинг Ју, оцени дека регионот напредува, но растот и понатаму е недоволен за целосно приближување кон економиите на ЕУ. Таа порача дека е потребно поголемо учество на пазарот на труд, подобрување на вештините и дигитална трансформација на фирмите.
