На граничниот премин „Богородица“ има зголемена фреквенција на возила во пресрет на продолжениот викенд по повод државниот празник 8 Септември – Ден на независноста на Македонија.

Авто-мото сојузот на Македонија (АМСМ) соопшти дека сообраќајот на државните патишта се одвива непречено, по суви коловози.

Од АМСМ апелираат до возачите да ја прилагодат брзината на условите на патот, да ја почитуваат сообраќајната сигнализација и да управуваат внимателно, особено на делниците низ котлините, речните долини и клисурите каде е можен пад на одрони. Како критични делници се посочуваат Катланово – Велес, Маврово – Дебар – Струга, Виница – Берово и Кочани – Делчево.