Велешките матични лекари се соочуваат со зголемен обем на работа откако голем број велешани се пожалиле на стомачен вирус.

Матичните лекари посочуваат дека ова заболување е во текот на целата година, а најчесто се појавува кај помладата популација, во текот на целата година, а особено во пролет и лето, но овојпат има и голем број на возрасни пациенти со стомачен вирус. Кај пациентите се појавува треска, покачена температура, симптоми на настинка, гадење, повраќање, дијареа.

Лекарите посочуваат дека во многу ретки случаи, стомачните вируси може да предизвикаат и компликации, особено кај лицата со намален имунитет. Лекарите посебен акцент ставаат на превенцијата. Тие потсетуваат дека во таа насока, а за да се заштити здравјето, многу е важно редовното миење на рацете со вода и миење под млаз вода на овошјето и зеленчукот пред употреба.

Воедно на лицата со симптоми на стомачен вирус им порачуваат да се јават на преглед кај матичниот лекар за да им се препише соодветна терапија и диететска храна.