Пол Мескал, кој ја доби улога во „Гладијатор 2“ откако го покажа своето згодно тело, ги разочара неговите обожавателки бидејќи повеќе не е сингл.

Како што пишуваат британските медиуми изгледа дека започнал љубовна врска со австралиската актерка Софи Вајлд, ѕвездата на хорор филмот „Зборувај ми“, пренесува британскиот таблоид „Мирор“.

Двојката се запозна на неколку филмски настани во текот на изминатата година, а најважното беше неодамнешното доделување на британската награда БАФТА, каде што беа видени како се бакнуваат на забавата по церемониво лондонскиот хотел „Чилтерн Фајрхаус“. Потоа тајно излегле од хотелот и поделиле цигара надвор.

Инкау, 28-годишниот ирски актер раскина со американската пејачка Фиби Бриџерс пред година и пол и оттогаш е забележан како бара љубов на онлајн апликација за состаноци за богати и славни.

Денес Мескал важи за еден од најперспективните млади актери, а веќе има номинации за Оскар, БАФТА и Еми награди.

Актерот ја доби и престижната награда Лоренс Оливие за улогата на Стенли Ковалски во „Трамвај наречен копнеж“.