Земјотрес во грчкиот фудбал: Драконски казни за местенките на Олимпијакос
Скандалот во Грција со наместените натпревари се очекува во најскоро време да добие епилог и тоа со драконски казни.
Препорачано
Етичкиот комитет на фудбалската федерација на Грција (ЕПО) препорача доживотна забрана за работа во фудбалот на дури 15 лица, а меѓу нив е и сопственикот на Олимпијакос, Евангелос Маринакис.
Истрагата на ЕПО е покрената поради натпреварот Олимпијакос – Атромитос кој е одигран на 4. февруари 2015 година и кој заврши со 2:1. Но, како клопчето се одмотуваше, се дојде до сознанија дека натпреварот е наместен и во „местенката“ учествувале повеќе 15-тина лица.
Тие ќе добијат забрана за извршување секаква функција во фудбалот во Грција, а ФИФА може да ја прошири казната на целиот свет.
Листата на обвинети лица кои повеќе не треба да работат во грчкиот фудбал ја сочинуваат:
Евангелос Маринакис (сопственик на Олимпијакос),
Јоргос Спанос (сопственик на Атромитос),
Јанис Ангелопулос (технички директор на Атромитос),
Рикардо Са Пинто (поранешен тренер на Атромитос),
Јоргос Сарис (поранешен претседател на ЕПО),
Аристеидис Статопулос (поранешен потпретседател на ЕПО),
Јанис Папаконстантину (поранешен заменик претседател на ЕПО),
Никос Проунцос (член на Управен одбор на ЕПО),
Теодорос Курисис (поранешен адвокат на ЕПО),
Јоргос Дурос (поранешен член на судиска организација на ЕПО),
Танис Бријакос (поранешен член на судиска организација на ЕПО),
Илија Спатас (поранеш судија),
Александрод Димитропулос (поранеш судија),
Константинос Јоанидис (поранешен судија),
Апостолос Ампаркиолис (поранешен судија).
