Епидемиолозите од штипскиот Центар за јавно здравје утринава земаа брисеви од петмина излекувани штипјани од коронавирусот, кои сакаат да бидат дарители на крвна плазма.

Директорката на Центарот за јавно здравје-Штип, Марија Димитрова вели дека откако ќе се испратат брисевите во лабароторијата во Скопје ќе се знае колку од овие хумани и излекувани пациенти ќе можат да даруваат крвна плазма, за оние кои се уште ја бијат битката со вирусот.

Таа истакна дека во тек е увидот во осмата конфекција, каде што до вчера се појавија вкупно три позитивни случаи на коронавирусот.

-Епидемиологот треба да увиди дали во конфекцијата се почитуваат препораките за заштита, како од страна на работодавецот, така и од страна на работниците, односно дали меѓу машините има доволно растојание, како и дали работниците ги почитуваат мерките со носење на заштитни маски, вели Димитрова.

Таа истакна дека се чекаат и резулататите од првите контролни тестови за 53-те работнички, а се чекаат и резулатите од скринингот на вработените во најголемата штиспка градинка „Астибо”, каде што се тестирани над 130 вработени.