Украинскиот претседател Володимир Зеленски објави дека се работи интензивно на хармонизирање на безбедносните гаранции за Украина, во соработка со европските партнери, Соединетите Американски Држави и другите членови на Коалицијата на волјата.

Зеленски изјави на ИКС дека во разговорот со претседателот на Финска, Александар Стуб, ја нагласил важноста на координирањето на ставовите со цел да се постигне напредок во обезбедувањето стабилност во регионот.

„Украина е во процес на развој на силни мултилатерални безбедносни структури, а тимови од различни земји работат на дефинирање на клучните елементи на идната безбедност. Покрај тоа, се подготвуваат воени и дипломатски состаноци на повисоко ниво со цел да се забрза овој процес и да се утврдат приоритетите и временските рамки за имплементација“, рече тој на ИКС.

Тој, исто така, нагласи дека односите со Соединетите Американски Држави остануваат клучни, но предупреди на негативните сигнали испратени од Русија, која продолжува да ги напаѓа украинските градови.

„Притисокот е клучен и сметаме на конкретни чекори на Русија кон вистинска дипломатија“, рече тој и додаде дека очекува финскиот претседател наскоро да го посети Киев.