Украинскиот претседател Володимир Зеленски денес објави дека разговарал телефонски со претседателката на Европската комисија, Урсула фон дер Лајен, и ѝ се заблагодарил за нејзината солидарност со Украинците по нападот на Русија врз Украина.

Зеленски потсети дека главната цел на нападот бил Киев и дека се во тек операции за пребарување и спасување.

Тој рече дека со претседателот на ЕК разговарал за дипломатската работа за „запирање на убиствата и руската агресија воопшто“, како и за гарантирање на вистинска безбедност за Украинците.

„Разговаравме и за нашиот пат кон европската интеграција, истовременото отворање на преговарачки кластер за Украина и Молдавија. Очекуваме позитивна одлука во блиска иднина“, нагласи Зеленски, според порталот РБЦ Украина- пренесе Политика.

Зеленски нагласи дека сè додека Русија не преземе вистински чекори кон мирот, притисокот врз неа мора да се зголеми.

Тој рече дека фон дер Лајен го информирала за подготовката на нов пакет санкции и координацијата со другите партнери.